ORQUESTRA DO ESPAZO DE CÁMARA DA USC
“Un paseo pola música”
Concerto comentado
Programa:
Renacemento: John Dowland (1563 – 1626)
Todas as persoas que na terra moran
Barroco: J. S. Bach (1668-1750)
Concerto de Brandenburgo nº3
Clasicismo: F. Danzi (1763-1826)
Quinteto op. 56 No. 3 en Fa Maior 1º mov.
Romanticismo: P. I. Tchaikovsky (1840 - 1893)
Elexía para orquestra de corda
Nacionalismos: E. Grieg (1843 - 1907)
Dúas melodías elexiacas
Século XX: B. Bartok (1881 - 1945)
For children
Outras músicas: A. Piazzolla (1921 - 1997)
Pigmalion
Solista: Javier Díaz, Acordeón
Director: Mario Diz
Acordeón: Javier Díaz
Profesores participantes:
Violíns: Roberto Santamarina (CMUS Santiago de Compostela)
Violas: Sara E. Olianas
Violonchelos: Guillermo Alzugaray (EMM Santiago de Compostela)
Ventos: Iago Lariño (CMUS Pontevedra)
ORQUESTRA DO ESPAZO DE CÁMARA DA USC.
A Orquestra do “Espazo de Cámara” da Universidade de Santiago de Compostela nace co obxectivo de impulsar nos mozos universitarios e, por extensión na cidadanía de Compostela, un proxecto educativo e cultural onde o eixo fundamental é a música.
Co patrocinio da Vicerreitoría de Cultura, o grupo que conforma a Orquestra da Universidade de Santiago de Compostela, dirixida por Mario Diz, procura de maneira prioritaria a formación musical dos seus membros que, semana tras semana, adquiren un maior compromiso co estudo e a difusión dos valores da música. Para este fin, conta e agradece todo tipo de colaboracións, que se van plasmando de xeito diverso en cada proxecto.
Dende o 2010 a Orquestra da Universidade afondou en proxectos tan ilusionantes como o aniversario de Debussy co concerto de Arpa e Orquestra do mesmo autor, interpretado pola solista Reyes Gómez especialmente convidada para este evento, o Concerto de Violonchelo de Haydn en Re maior, interpretado por Carlos G. Amigo, o monográfico sobre Astor Piazzolla ou o monográfico sobre a música galega onde o solista Gregori Nedobora interpretou o concerto do violinista galego Manuel Quiroga.
Recentemente interpretou xunto ao coro Vigués Gli Apassionati o Magnificat de J.S. Bach e o Gloria de Vivaldi.
En colaboración coa Aula de Teatro da Universidade de Santiago de Compostela realizan unha versión do musical Sweeney Todd de Stephen Sondheim. Participa tamén nas Xornadas de Música Contemporánea de Santiago de Compostela dende o seu inicio xunto a Sinfónica de Galicia, e a Real Filharmonía de Galicia, como unha das tres orquestras convidadas.
Incorporándose ao proxecto diversos profesores da Orquestra da Cidade, Real Filharmonía de Galicia, asi como profesores relevantes do ámbito musical galego, a Orquestra do Espazo de Cámara recentemente foi incluída na rede de Orquestras Universitarias Europeas, ENUO, onde participan orquestras de máis de 28 nacionalidades de toda Europa.
Acordeón: Javier Diaz
Javier Díaz-Estébanez Carrasco nace en Oviedo.
Inicia os seus estudos musicais con Miguel Angel Bardio. Á idade de 8 anos ingresa no Conservatorio de Oviedo.
Participa en diversos certames nacionais obtendo primeiros premios como solista.
Dende moi novo colabora como acordeonista con diferentes agrupacións tradicionais, como a Banda de Gaitas "Cidade de Oviedo" coa que participa en numerosos festivais nacionais e internacionais.
Con 17 anos finaliza os seus estudos superiores de acordeón no Conservatorio Superior de Barcelona.
Colabora ao mesmo tempo con grupos asturianos de recoñecido prestixio no panorama da música folk tradicional como Llan de Cubel.
Comparte escenario con gaiteiros como Jose Manuel Fernández "Guti" e Vicente Prado Suárez "O Pravianu".
Traballa durante dous anos como profesor de acordeón no Centro Musical "Anxo Muñiz Toca"
Perfecciona os seus estudos de acordeón cromático en Irún con Agustín Santano e asiste a cursos e seminarios con Carlos Iturralde, Miren Iñarga, Iñaki Alberdi, Matti Rantanen, Vojin Vasovic e Gabriel Erkoreka.
Aos 19 anos trasládase a Galicia e toma parte na formación musical que acompaña ao gaiteiro X. Manuel Budiño co que grava os discos "Paralaia" e "Arredor".
Con esta mesma banda forma o grupo Laio e grava o disco "Luneda".
Colabora tanto con artistas do panorama folk galego (Susana Seivane) como con músicos doutros ámbitos (Víctor Aneiros, guitarrista e compositor de blues-rock)
Os seus alumnos participaron nos certames de acordeón máis importantes do país:
Adrián Pérez obtén o 1º premio na categoría sénior "varieté" e participa na Coupe Mondiale World Accordión Championships.
Moitos deles abríronse camiño no mundo profesional; Andrés Penabad, Diego Maceiras...
Na actualidade está afincado en Cedeira onde compaxina o seu labor docente na "Escola Municipal" coa dirección coral e a actividade compositiva, ademais de na Escola Municipal de Música de Santiago de Compostela como profesor do Seminario Permanente de Música Tradicional.
INTEGRANTES:
Director: Mario Diz
Profesores participantes:
Violíns: Roberto Santamarina (CMUS Santiago de Compostela)
Violas: Sara E. Olianas
Violonchelos: Guillermo Alzugaray (EMM Santiago de Compostela)
Ventos: Iago Lariño (CMUS Pontevedra)
Violíns:
Ana Vieira - Licenciada en Bioloxía
Antía Rey - Filoloxía Galega
Brais Palmeiro - Grado en Física
Carmen Jorge - Física
Ilduara Vicente - Lingua e literatura modernas
Laura García - Licenciada en Farmacia
María Seoane - Diplomada en Maxisterio
Mª del Carmen Moreira - Psicoloxía
Marcos Rodriguez - Enxeñería Informática
Marta Sanmartín - Medicina
Sandra Viz - Bioloxía
Violas:
Clara Copena - Comunicación Audiovisual
Iria Salvadó - Grado en Química
Rocío Vazquez - Doutorado en Pediatría
Violonchelos:
Ana Relova - Secundaria
Manuel Fernández - Bacharelato
Mateo Fernández - Física
Contrabaixos:
Ada Iglesias - Dereito
Oscar Vicente Contreras - Licenciado en Filosofía
Frautas:
Rocío Rodriguez - Administración e dirección de empresas
Uxía García - Comunicación Audiovisual
Óboes:
Mariña Palacios - Secundaria
Clarinetes:
María Gómez - Licenciada en Filoloxía Galega
Paula Fandiño - Administración e dirección de empresas
Fagotes:
Lara Young - Secundaria
Trompas:
Ana López - Química
Darío Neira - Secundaria
Percusión:
Aldara Candal - Medicina
Clave:
Julia Ammerman - Grado en Dereito
15 de maio ás 20.00 horas
LUCUS ENSEMBLE
PROGRAMA
I
Serenata para instrumentos de vento, violonchelo e contrabaixo en Re menor op 44 - Antonín Dvořák
1- Moderato quasi Marcia
2- Minuetto
3- Andante con motto
4- Finale: Molto Allegro
II
Tango - Isaac Albéniz
Oblivion - Astor Piazzolla
Milonga del Ángel - Astor Piazzolla
Tango pour Claude - Richard Galliano
Por una Cabeza - Carlos Gardel - voz: Paloma Suanzes
Libertango - Astor Piazzolla
LUCUS ENSEMBLE nace a inicios do ano 2014 froito da inquietude musical dos seus fundadores, a violonchelista pontevedresa Cristina Nogueira e o clarinetista viveirense Santiago Noriega.
Despois de coincidir en diversos concertos benéficos, pensan na posibilidade de crear unha formación estable na capital lucense para o desenvolvemento de proxectos musicais adaptados para un grupo de cámara mixto vento-corda.
Propóñenlle levar a dirección musical da agrupación ao mestre valenciano Alejandro Troya, o cal se fará cargo tamén, xunto co trompista Moisés López, de ultimar as adaptacións e arranxos do programa.
Cun cadro fixo de dez músicos e diversos proxectos de futuro, LUCUS ENSEMBLE nace coa intención de facerse un oco no elenco de grupos de cámara de Galicia.
ALEJANDRO TROYA nace en Benissanó (Valencia), e na banda da súa localidade natal comeza os seus estudos de saxofón, pasando posteriormente ao conservatorio de Llíria, onde remata os estudos de grao profesional, obtendo o premio de fin de grao.
Continúa no conservatorio Joaquín Rodrigo de Valencia, onde acaba os seus estudos superiores e gaña o premio de fin de carreira na especialidade de saxofón. Participa en diferentes concursos acadando diversos premios entre os que cabe destacar o primeiro no Concurso Internacional da Universidade Europea do Saxofón.
Colabora con numerosas bandas realizando gravacións para RTTV e RTVE. Realiza cursos de dirección de banda con mestres do prestixio de Jan Cober ou Norman Milanés. Na actualidade é profesor de saxofón no Conservatorio Superior de Música de Vigo, director de Murajazz Bigband e de Lucus Ensemble.
COMPOÑENTES
Alejandro Troya, director
Tania Balboa, óboe
Miguel A. Díaz, clarinete
Santiago Noriega, clarinete
María Losada, fagot
Cristina Díaz, frauta
Araceli Martínez, contrabaixo
Cristina Nogueira, violonchelo
Carlos Vázquez, percusión
Moisés López, trompa e acordeón
5 de maio ás 20.00 horas
PABLO MENENDEZ
Guitarra
Programa
I
Johann Sebastian Bach (1685-1750)
Chacona de la Partita en Re menor BWV 1004
Emilio Pujol (1886-1980)
Tres piezas españolas
Tonadilla
Tango
Guajira
Franz Schubert (1797-1828)
Drei Lieder
Die Post
Ständchen
Die Fischermädchen
II
Fernando Sor (1778-1839)
Fantasía 7 op.30
Joaquín Rodrigo (1901-1999)
Sonata Giocosa
Allegro moderato
Andante moderato
Allegro
PABLO MENÉNDEZ, guitarra clásica
Cangas del Narcea (Asturias), 1992. Comeza os seus estudos musicais á idade de 10 anos na Escola de Música Municipal de Cangas del Narcea, baixo a tutela de Javier Quevedo. Posteriormente, continúa os seus estudos no Conservatorio Profesional de Música de Xixón coa profesora Isabel Seoane, rematando no ano 2010 e obtendo o Premio ó mellor expediente académico da súa promoción. Realiza os seus estudos superiores de música no Centro Superior de Música do País Vasco (Musikene) co prestixioso concertista Marco Socías, ao tempo que cursa estudos de música de cámara co profesor Antonio Duro, rematando a súa carreira coas máis altas cualificacións. Complementa tamén a súa formación acudindo a cursos de perfeccionamento técnico e musical con profesores como David Russell, Pablo Márquez, Zoran Dukic, Ricardo Gallén, Margarita Escarpa, Marco Smaili…
Foi galardoado en varios concursos tanto nacionais coma internacionais, a destacar o IV Certamen de Guitarra Valle de Egüés, os Premios Honoríficos David Russell para novos talentos, o IV Concurso Hispano-Luso de Fafe (Portugal), o II Concurso Juan Crisóstomo de Arriaga, ou o Concurso Villa de Zarautz.
Actuou como solista con orquestra coa Orquesta Sinfónica do Conservatorio de Xixón, resultado da vitoria no Concurso de Jóvenes Intérpretes de Xixón. Como solista, deu recitais ó longo de toda a xeografía española, destacando especialmente o seu debut na sala Luthier de Barcelona, en marzo de 1014.
Tamén gravou para a Radio/Televisión de Galicia un DVD con música de Fernando Sor como resultado da vitoria nos Premios David Russell.
Como músico de cámara, foi membro de múltiples agrupacións, destacando especialmente o frutífero traballo co prestixioso tenor asturiano Joaquín Pixán, xunto con quen gravou un CD para a discográfica Andante, con música do século XIX para guitarra, piano e voz. Tamén traballou a faceta de músico orquestral, formando parte da Joven Orquesta Nacional de España, como único guitarrista do cadro orquestral para a reconstrución do Winterreise de Hans Zender, dentro do Festival de Música y Danza de Granada, en xuño de 2014.
Na actualidade, Pablo Menéndez encóntrase realizando un máster en interpretación musical no Conservatorio de Maastricht (Países Baixos), como alumno do afamado guitarrista Carlo Marchione.
21 de abril ás 20.00 horas
Julen Zelaia, violín
Laura Delgado, violín
Anna Mirakyan, piano
I
Jean-Marie Leclair (1697-1764)
Sonata para dous violines en sol menor op.12 núm.5
I. Allegro ma poco
II. Aria-Gratioso
III. Presto
Julen Zelaia, violín
Laura Delgado, violín
Ludwig van Beethoven (1770-1827)
Sonata para violín e piano núm.9 en la mayor op.101
I. Adagio sostenuto-Presto-Adagio
II. Andante con variazioni
III. Presto(37 min.)
Laura Delgado, violín
Anna Mirakyan, piano
II
Julen Zelaia, violín
Jean Sibelius (1865-1957)
Humoresque para violín e piano en mi bemol mayor op.89 núm.3
Julen Zelaia, violín
Anna Mirakyan, piano
Pablo de Sarasate (1844-1908)
Navarra op.33
Julen Zelaia, violín
Laura Delgado, violín
Anna Mirakyan, piano
DÚO DE VIOLÍN E PIANO
JULEN ZELAIA,violín
LAURA DELGADO, violín
ANNA MIRAKYAN, piano
Julen Zelaia, violín. Iruñea, 1995. Comezou os seus estudos musicais de violín con seis anos no Conservatorio de Música de Irún, coa profesora Raffaela Acella, quen o formou ata que rematou o Grao Medio. Tamén recibiu clases de música de cámara, sendo membro do cuarteto Egunsentia e, dende os dez anos, asistiu ós Cursos de Verán de Astorga e Llanes co docente José Ramón Hevia. Recibiu tamén clases de profesores como Pablo González, Evgueni Grach, Keiko Wataya, Paul Silverthorne, Cyrus Forough, Ilya Kaler, Vadim Repin e Sergey Kravchenko. É alumno da Escuela Superior de Música Reina Sofía dende o curso 2010-2011 na Cátedra de Violín, coa profesora titular Ana Chumachenco. En xuño de 2011 recibiu de mans da Súa Maxestade a Raíña a Mención de Alumno más Sobresaliente da súa cátedra. Goza de bolsa de matrícula Fundación Albéniz. En 2004 gañou o Primeiro Premio na categoría B do Concurso Permanente de Jóvenes Intérpretes. En 2009 foi gañador da fase autonómica celebrada no Teatro Arriaga en Bilbao, o que o levou a ser o representante da Comunidade Autónoma Vasca en Madrid para participar no VIII Certamen Nacional de Interpretación Intercentros Melómano, onde obtivo o Primeiro Premio e Premio ó Mellor Intérprete de Corda. Formou parte da Orquestra Sinfónica de Irún, coa que foi concertino e actuou, como solista, coa Joven Orquesta do Conservatorio de Irún e a Banda Municipal de Música de Irún. Igualmente, participou no Curso Internacional de Verán de Solsona en 2008 e, un ano máis tarde, formou parte dos Cursos de Verán “Bilbao Arte eta Kultura X Topaketak”, como alumno de violín.
Laura Delgado, violín. Zamora, 1993. Comezou os seus estudos co profesor Jesús Ramos Hidalgo no Conservatorio de Zamora, onde permaneceu con el ata a actualidade. Alumna do profesor Lev Chistyakov, nos anos 2006, 2007 e 2008 asistiu tamén á Escuela Internacional de Música Presjovem Ciudad de Lucena, onde recibiu clases de violín de Olga Vilkomirskaya, Alfredo García Serrano, Lina Tur, Pollina Kotliarskaya e David Ballesteros; e de música de cámara, do Cuarteto Casals, Claudio Martínez Mehner e Ashan Pillai. Dende o curso 2011-2012 é alumna da Escuela Superior de Música Reina Sofía, na Cátedra de Violín coa profesora titular Ana Chumachenco. En xuño de 2014 recibiu de mans da Súa Maxestade a Raíña a Mención de Alumna más Sobresaliente da súa cátedra. Goza de bolsa de matrícula Fundación Albéniz e Jaime Castellanos. Recibiu leccións maxistrais de Mauricio Fuks e Eduard Grach. En maio de 2010 obtivo o Primeiro Premio da categoría A de solistas no I Concurso de Interpretación "Claudio Prieto" de Palencia. En maio de 2011 obtivo o Segundo Premio e o Premio Jesús de Monasterio ó Mellor Intérprete de Música Española na categoría xuvenil do IX Certamen Internacional de Violín Violines por la Paz, en Torres (Jaén). En 2007 ingresou na Joven Orquesta de Castilla y León, na que tocou baixo a dirección de mestres como Rubén Gimeno e Jesús López Cobos. Como alumna da Escuela, forma parte da Orquesta Sinfónica Freixenet, dirixida por Jesús López Cobos, Pablo González, Víctor Pablo Pérez; da Orquesta de Cámara Freixenet, baixo a batuta de András Achiff e Eldar Nebolsin; da Orquesta de Cámara Sony, baixo a batuta de Maximiano Valdés e Antoni Ros Marbà e da Camerata E.ON da Escuela Superior de Música Reina Sofía, baixo a dirección de Gordan Nikolić e de Günter Pichler, co que actuó como solista. Actualmente é membro do Cuarteto Óscar Esplá de Asisa, baixo a tutela de Heime Müller, co que, en xuño de 2014, obtivo de mans da Súa Maxestade a Raíña a Mención de Cuarteto de Cuerda más Sobresaliente na súa especialidade.
Anna Mirakyan, piano. Erevan (Armenia), 1981. Comezou os seus estudos de piano á idade de 7 anos na Escola Especial de Música Tchaikovski. Entre 1988 e 1995 estudou coa profesora Lilit Markaryan e de 1995 ata 2006 estudou coa profesora Rosa Tandilyan. Durante os seus estudos na Escola, realizou numerosos concertos no seu país e deu varios recitais. Con 13 anos gañou os concursos Arno Babadjanyan e Bach en Erevan. Posteriormente accedeu ó Conservatorio Superior Estatal "Komitas" de Erevan, onde se gradou como profesora, solista, pianista acompañante e música de cámara. No ano 2004 ingresou no Curso de Posgrao como solista deste conservatorio e en 2006 rematou os seus estudos. En 2009 ofreceu varios concertos de cámara no Teatro Real. Dende o curso 2012-2013 é profesora pianista acompañante da Cátedra de Violín da Escuela Superior de Música Reina Sofía, coa profesora titular Ana Chumachenco. Igualmente, dende o ano 2007 é profesora de piano no Centro Superior de Ensinanza Musical Katarina Gurska. En 1999 deu recitais e concertos na Semana Cultural de Armenia en Londres. No ano 2001, participou no Concurso Internacional de Violín Hildegard Pabelich e gañou o Premio como Mellor Pianista Acompañante. Actualmente dá concertos de música de cámara e como pianista acompañante.
3 de marzo ás 20.00 horas
QUINTETO RICERCATA
Lope Morales, flauta
Carlos Quiñonero, oboe
Saulo Guerra, clarinete
Maria Rosario Martínez, fagot
Pablo Fernández, trompa
I
Malcom Arnold (1921-2006)
Three Shanties para quinteto de ventos op.4
I. Allegro con brio
II. Allegro semplice
III. Allegro vivace
Paul Hindemith (1895-1963)
Kleine Kammermusik para quinteto de vientos núm. 2 op. 24 (1922)
I. Lustig. Mäßig schnell viertel (Divertido)
II. Walzer. Durchweg sehr leise (Waltz)
III. Ruhig und einfach. Achtel - Im gleichen ruhigen Zeitmass (Tranquilo y fácil)
IV. Schnelle Viertel (Rápidamente)
V. Sehr lebhaft (Muy animado)
Jacques Ibert (1890-1962)
Trois pièces brèves (1930)
I. Allegro
II. Andante
III. Allegro scherzando
II
Samuel Barber (1910-1981)
Summer Music (Música estival) para quinteto de vientos op.31
György Ligeti (1923-2006)
Seis bagatelas para quinteto de ventos
I. Allegro con spirito
II. Rubato. Lamentoso
III. Allegro grazioso
IV. Presto ruvido
V. Adagio. Mesto
VI. Molto vivace. Capriccioso
Luis I. Marín García (1955)
Quinteto de ventos núm.1
Manuel de Falla (1876-1946)
De "El amor brujo
Danza del fuego (arreglo para quinteto de ventos)
Quinteto Ricercata
O Quinteto Ricercata creouse no seo da Escuela Superior de Música Reina Sofía, onde recibe a formación dos profesores Hansjörg Schellenberger, Radovan Vlatković e Klaus Thunemann. Os seus integrantes, estudantes da Escuela nas súas distintas cátedras de instrumento, son: Lope Morales, que estudou no Conservatorio de Música de Xaén e no Real Conservatorio Victoria Eugenia de Granada; Carlos Quiñonero, ex-alumno do Conservatorio Profesional de Música de Murcia e do Conservatorio Superior de Música "Manuel Massotti Litel" de Murcia; Saulo José Guerra, formado no Conservatorio Superior de Música de Canarias; María Rosario Martínez, que recibiu formación no Conservatorio Profesional de Música de Valencia; e Pablo Fernández, ex-alumno da Escola de Altos Estudos Musicais de Galicia e do Conservatorio Superior de Música da Coruña.
Lope Morales, frauta. Naceu en Xaén (España), en 1991. Estudou no Conservatorio de Música de Xaén, onde obtivo o Grao Medio coa cualificación de Sobresaliente. Cursa 3º de Frauta co profesor Javier Castiblanque no Real Conservatorio Victoria Eugenia de Granada. Dende o curso 2013-2014 estuda na Escuela Superior de Música Reina Sofía, na Cátedra de Frauta, co profesor titular Jacques Zoon. Goza de bolsa de matrícula Fundación Albéniz.
Carlos Quiñonero, óboe. Naceu en Murcia (España), en 1988. Realizou os seus estudos de Grao Elemental e Grao Medio no Conservatorio Profesional de Música de Murcia. En 2011 obtivo a Licenciatura en Dereito pola Universidade de Murcia. En 2012 finalizou os seus estudos de Grao Superior no Conservatorio Superior de Música "Manuel Massotti Litel" de Murcia. Dende 2013 estuda na Escuela Superior de Música Reina Sofía, na Cátedra de Óboe co profesor titular Hansjörg Schellenberger. Goza de bolsa de matrícula Fundación Albéniz.
Saulo José Guerra, clarinete. Naceu nas Palmas de Gran Canaria (España), en 1994. Ós catro anos comezou a tocar o clarinete. É o estudante máis novo que entrou no Conservatorio Superior de Música de Canarias, onde terminou os estudos superiores de clarinete coa cualificación de Matrícula de Honra. Dende 2013 estuda na Escuela Superior de Música Reina Sofía, na Cátedra de Clarinete co profesor titular Michel Arrignon. Goza de bolsa de matrícula Fundación Albéniz.
María Rosario Martínez, fagot. Naceu en Valencia (España), en 1995. Comezou a súa formación musical na Sociedade Musical "L´Artística Manisense" de Manises, en Valencia, co profesor Alejandro Sanchís Botet. Realizou cursos de formación con Salvador Sanchís, Marco Postinghel, Gustavo Núñez, Ovidio Giménez e Miguel Puchol. Actualmente cursa 6º de Ensinanzas Profesionais no Conservatorio Profesional de Música de Valencia co profesor Joaquín Sancho. Dende o curso 2013 é alumna da Escuela Superior de Música Reina Sofía, na Cátedra de Fagot co profesor titular Klaus Thunemann. Goza de bolsa de matrícula Fundación Albéniz e Consejería de Educación da Comunidade de Madrid.
Pablo Fernández, trompa. Naceu en Pontevedra (España), en 1990. No ano 2000 comezou os seus estudos na Escola de Música da Banda Artística de Merza. En 2004 comezou a estudar o Grao Medio no Conservatorio Municipal de Lalín, en Pontevedra, onde recibiu a formación de Xulio Varela no primeiro ano e de Alfredo Varela. Entre os anos 2007 e 2011 foi alumno da Escola de Altos Estudos Musicais de Galicia. A continuación, comezou o Grao Superior no Conservatorio Superior de Música da Coruña. Dende 2013 é alumno da Escuela Superior de Música Reina Sofía, na Cátedra de Trompa Fundación “la Caixa”, co profesor titular Radovan Vlatković. Goza de bolsa de matrícula Fundación Albéniz e Copasa e de residencia Fundación Albéniz.
24 de febreiro ás 20.00 horas
Pierre Delignies, piano
I
Claude Debussy (1862-1918)
Imaxes do libro I L.110
I. Reflets dans l´eau
II. Hommage à Rameau
III. Mouvement
Isaac Albéniz (1860-1909)
Evocación
Corpus Christi en Sevilla
II
Sergei Prokofiev (1891-1953)
Sonata para piano núm.6 en la maior op.82
I. Allegro moderato
II. Allegretto
II. Tempo di valzer lentissimo
IV. Vivace
PIERRE DELIGNIES, piano
Santander, en 1990. Aos sete anos comezou os seus estudos musicais no Conservatorio Jesús de Monasterio de Santander, onde recibiu clases de Miguel Sierra e Irini Gaitani e onde rematou os seus estudos profesionais coa cualificación de sobresaliente. Posteriormente, continuou a súa formación pianística no Centro Superior de Música do País Vasco (Musikene), cos profesores Marta Zabaleta e Miguel Borges, onde se licenciou con Matrícula de Honra en piano e con Sobresaliente na especialidade de repertorio contemporáneo, co profesor Ricardo Descalzo. Recibiu clases de Claudio Martínez-Mehner, Galina Eguiazarova, Elisso Vyrseledze, Eldar Nebolsin, Mariana Gurkova, Luca Chiantore, Josep Colom, Helen Krizos, Naum Grubert ou Dimitri Alexeev, entre outros. Dende o curso 2012-2013 é alumno da Escuela Superior de Música Reina Sofía, na Cátedra de Piano Fundación Banco Santander coa profesora Galina Eguiazarova. Goza de bolsa de matrícula Fundación Albéniz e de residencia Fundación Botín. En xuño de 2014 recibiu de mans da Súa Maxestade a raíña a “Mención de Alumno más Sobresaliente” da súa cátedra. En 2001 gañou o segundo premio do Certamen Regional de Cantabria, e foi finalista nos concursos Ciutat de Xàtiva 2006, Intercentros Melómano 2007 e Infanta Cristina 2012. En 2013 gañou o primeiro premio ex aequo no Concurso Internacional Santa Cecilia de Oporto, en Portugal.
Ofreceu recitais no Concello de San Sebastián, Fundación Eutherpe e Fundación Botín e no Festival Musika-Música de Bilbao. Como músico de cámara formou tríos e dúos, cos que participou no Festival de Música “Quincena Musical” de San Sebastián en varias ocasións. Tamén colaborou coa Joven Orquesta Nacional de España en encontros de música de cámara e sinfónicos, o que o levou a actuar en salas de Francia e España, e no Festival de Música Contemporánea de Alicante. Debutou como solista con orquestra baixo a batuta do director Paul Murphy coa Orquesta Sinfónica de Musikene no Teatro Victoria Eugenia de San Sebastián. En 2013 participou no Festival Internacional de Santander coa Joven Orquesta de Cantabria, baixo a dirección de Jaime Martín, e en 2014 participou no Encuentro de Música y Academia de Santander.
Como alumno da Escuela, forma parte do Trío Fundación Mahou San Miguel, baixo a tutela da profesora Márta Gulyás.
UN ÁLBUM DE VIAXE
I
ALEMAÑA
Johannes Brahms Sapphische Ode, op. 94 núm.4 (3 min.)
(1833-1897)
ITALIA
Ottorino Respighi Stornellatrice (2 min.)
(1879-1936)
Federico de Michelis, baixo barítono
AUSTRIA
Franz Schubert Nacht und Träume, D. 827 (3 min.)
(1797-1828) Ständchen, D.957 núm 4 (3 min.)
NORUEGA
Edvard Grieg Jeg elkser Dig, op.5 núm 3 (3 min.)
(1843-1907)
Ana Capetillo, soprano
REINO UNIDO
Benjamin Britten Down by the Salley Gardens (3 min.)
(1913-1976)
PORTUGAL
Ernesto Halffter Seis canciones portuguesas núm. 2
(1905-1989) Ai que linda moça (3 min.)
FINLANDIA
Jean Sibelius Flickan kom ifran sin alsklings mote, op.37 núm.5 (4 min.)
(1865-1957)
Federico de Michelis, baixo barítono
FRANCIA
Erik Satie Je te veux (4 min.)
(1866-1925)
ESTADOS UNIDOS
Aaron Copland Long time ago (3 min.)
(1900-1990) (de “Old American Songs”, texto popular)
RUSIA
Sergei Rachmaninoff Augas primaverais, op. 14 núm. 1 (3 min.)
(1873-1943)
Ana Capetillo, soprano
II
ARXENTINA
Carlos Gustavino La siempreviva (A. Vázquez) (4 min.)
(1912-2000) El sampedrino (L. Benarós) (4 min.)
BRASIL
Waldemar Henrique Abaluaié (Popular) (3 min.)
(1905-1995)
Federico de Michelis, baixo barítono
MÉXICO
Manuel M. Ponce Lejos de ti (3 min.)
(1882-1948) ¡Aleluya! (3 min.)
CUBA
Rodrigo Prats Te esperaré (4 min.)
(1909-1980)
Ana Capetillo, soprano
ESPAÑA
Jesús Guridi Da zarzuela El caserío
(1886-1961) Dúo de Ana Mari e Santi (3 min.)
Amadeo Vives Da zarzuela Maruxa
(1871-1932) Romanza de “Golondrón” (4 min.)
Federico de Michelis, baixo barítono
Federico Moreno Torroba Da zarzuela La Marchenera
(1891-1982) Petenera "Tres horas antes del día" (3 min.)
Ana Capetillo, soprano
Ruperto Chapí Da zarzuela La Revoltosa
(1851-1909) Dúo de Felipe e Mari-Pepa (4 min.)
Ana Capetillo, soprano
Federico de Michelis, baixo barítono
Dúo de canto e piano
Ana Capetillo, soprano
Federico Daniel De Michelis, barítono
Madalit Lamazares, piano
Ana Capetillo. Naceu en México DF, en 1992. En 2008 comezou a súa su formación vogal e musical no taller lírico do mestre Gabriel Mijares, en México. Como alumna dese taller, realizou varios recitais en escenarios como o Instituto Italiano de Cultura, o Teatro Casa de la Paz ou a Fonoteca Nacional, en México. En 2012 conseguiu unha bolsa da Sociedade Artística Sinaloense (SAS). Tamén recibiu leccións maxistrais de Tom Krause e de Renato Bruson. Dende o curso 2013-2014 é alumna da Escuela Superior de Música Reina Sofía na Cátedra de Canto Alfredo Kraus Fundación Ramón Areces co profesor titular Ryland Davies. Goza de bolsa de matrícula Fundación Juan-Miguel Villar Mir. En 2011 gañou o Terceiro Premio do Concurso de Canto Maritza Alemán de México. Ese ano debutou coa Orquesta Filarmónica de la Ciudad de México, baixo a dirección do mestre José Areán. En 2013 actuou na Convención Coppel, dirixida polo mestre Enrique Patrón de Rueda coa Filarmónica de Querétaro, e no Concerto de Clausura de Tijuana.
Federico Daniel De Michelis naceu en Bos Aires (Arxentina), en 1989. Comezou a tocar o piano con sete anos na Escuela de Música Popular de Avellaneda (EMPA), onde se inclinou cara ao o jazz, o tango e a música popular en xeral. Alí coñeceu ó mestre Orlando Rosas, director coral e orquestral, quen o incorporou ó seu coro persoal, onde fixo os seus primeiros progresos como cantante. Máis tarde, ingresou no Conjunto de Música Prohibita (CMP), dirixido polo mestre Pablo Banchi, con quen estudou e cantou repertorio polifónico sacro antigo. Neste conxunto coñeceu ó director e compositor Rolando Budini, con quen afondou a súa formación en contrapunto ata hoxe en día. Paralelamente, comezou a estudar técnica vocal con Gabriel Renaud e pasou a formar parte do coro da compañía Juventus Lyrica, no Teatro Avenida, onde tamén realizou o rol de Ferrando en Il Trovatore de Verdi. En 2011, tras realizar unha audición no Teatro Argentino de La Plata, accedeu á Ópera Estudio. Posteriormente, comezou a recibir a formación de Omar Carrión ata a actualidade. Dende 2012 a 2013 recibiu clases do profesor Tom Krause na Escuela Superior de Música Reina Sofia, na Cátedra de Canto Alfredo Kraus Fundación Ramón Areces, onde dende 2014 estuda co profesor titular Ryland Davies. Goza de bolsa de matrícula Fundación Albéniz e Herberto Gut e de residencia Fundación Albéniz. Este ano recibiu das mans da Súa Maxestade a Raíña a Mención de Alumno más Sobresaliente da Cátedra. Asistiu ás leccións maxistrais de Giancarlo del Monaco, Helen Donath, Teresa Berganza e Marjana Lipovsek. Cantou en escenarios como o Auditorio Sony, dentro dos ciclos Recitales de la Praza de Oriente e Euroclassical Online Festival 2014, no Auditorio Nacional de Música, en Madrid, Centro Cultural Nicolás Salmerón ou na Igrexa de San Agustín, Córdoba, entre outros. Como alumno da Escola, é membro do Grupo Voces Tempo da Fundación Orange, baixo a tutela de Ryland Davies.
Madalit Lamazares. Naceu na Habana (Cuba), en 1952. Comezou os seus estudos musicais na súa cidade natal. Posteriormente trasladouse a Venezuela e obtivo o título de profesora executante de Piano no Conservatorio Juan Manuel Olivares de Caracas. Paralelamente cursou estudos na Universidad Católica Andrés Bello desa cidade, onde se gradou como Licenciada en Letras. Dende o curso 2000-2001 é profesora pianista acompañante da Cátedra de Canto Alfredo Kraus Fundación Ramón Areces na Escuela Superior de Música Reina Sofía, co profesor titular Tom Krause e con Manuel Cid. Tamén traballou con Teresa Berganza, profesora titular da Cátedra entre 1999 e 2002. Como profesora desta Escuela participou en diversos concertos en Madrid nas Fundacións Lázaro Galdiano e Caja Madrid, nos Palacios Zurbano e Marqués de Salamanca, Teatro Real, Auditorio Nacional de Música de Madrid, Academia de Bellas Artes, Museo do Prado, así como en diversos auditorios da Coruña, Santander, Tenerife, León, Vitoria, Córdoba e as embaixadas españolas na Haia (Holanda) e Washington (EE.UU.). Destacan ademais diversas gravacións en CD e para Radio Clásica de RNE. En Venezuela comezou a súa actividade como pianista solista e acompañante, en recitais por todo o país así como no exterior como representante cultural dese país. Tamén participou en recitais auspiciados pola Organización de Estados Americanos (OEA) e a Smithsonian Institution de Estados Unidos. Así mesmo ten no seu haber numerosas gravacións con figuras representativas da arte vocal latinoamericana. Dentro do campo pedagóxico, as súas actividades como mestra repetidora e profesora do repertorio tiveron lugar no Taller de Ópera de Caracas. En 1985 foi contratada polo Teatro Teresa Carreño en calidade de mestra preparadora das tempadas de ópera, actividade que desempeñou ata 1996. Durante ese período tamén participou na preparación das tempadas de ópera do Ateneo de Caracas, a Compañía Nacional de Ópera e a Camerata Barroca de Caracas. En 1986 foi nomeada profesora de Repertorio Vogal do Conservatorio Simón Bolívar e tamén impartiu cursos e talleres de interpretación desenvolvendo unha intensa actividade para outras escolas do país. En 1994 viaxou a Bos Aires, contratada polo Teatro Avenida como directora musical. Alí traballou na montaxe de óperas, operetas, zarzuelas e musicais, proseguindo co seu labor pedagóxico. Colaborou na asesoría artística da Casa da Ópera de Bos Aires, entidade dedicada á promoción de novos cantantes, para a cal participou na preparación e dirección de diversos espectáculos (óperas, zarzuelas, concertos, etc.). Por este interese na formación de novos valores, foi recentemente invitada pola Fundación Beracasa ó festival que con ese propósito organiza e auspicia Radio France na cidade de Montpellier (Francia). Como actividade complementaria, ofreceu numerosas conferencias e impartiu cursos para prestixiosas institucións de Caracas e Bos Aires.
