Dedicado a José Luis Carles

CASA DO SABER
11 - 12 maio 2012

PRAZO DE MATRÍCULA ATA O 7 DE MAIO

O Grupo de Creación Musical da USC (GCMUS), dirixido por Inmaculada Cárdenas, organiza en Lugo por cuarto ano o encontro ‘Sons Creativos’, que se celebrará os días 11 e 12 de maio na Casa do Saber.

Nesta cuarta edición, o certame estará dedicado ao compositor José Luis Carles Arribas, recoñecido investigador en temas de percepción sonora, análise cualitativa do medio ambiente sonoro e interacción entre estímulos visuais e auditivos. Relatorios, mesas redondas, concertos, obradoiros, instalacións sonoras e performances configuran un amplo programa integrado baixo o título común ‘Música e natureza’, temática que servirá como fío condutor de todas as actividades.

Este encontro enmárcase dentro da oferta do programa Lugo Cultural para o ano 2012, que organizan conxuntamente a USC, a Deputación e o Concello de Lugo e a Xunta de Galicia.
 
Programa de actividades  

O venres 11 a xornada ábrese ás 9.30 horas coa mesa redonda ‘Música e natureza: ecoloxía’, a cargo de José Luis Carles Arribas, Cristina Palmese, Juan Gil López e Carlos Suárez. Ás 12.00 horas celebrarase unha segunda mesa redonda, baixo o título ‘Música e natureza: historia e creación sonora’, na que estarán Inmaculada Cárdenas, Javier Garbayo e Miguel Molina, así como alumnos de José Luis Carles Arribas na Universidade Autónoma de Madrid

Entre as dúas mesas levarase a cabo a inauguración oficial do encontro e a presentación do DVD Música, espazos e cidade, no que se recollen as obras estreadas nas tres edicións anteriores.

Na sesión de tarde haberá unha nova mesa redonda (16.30 horas), denominada ‘Música, natureza: pedagoxía’, na que intervirán Adolfo Murillo Ribes, Elena Hidalgo e Mónica Álvarez.

A xornada do venres péchase ás 20.00 horas cun CONCERTO COLECTIVO a cargo dos participantes nas mesas redondas (acompañados de estudantes das súas universidades de procedencia) e de membros do GCMUS.

O sábado 12 haberá unha derradeira mesa redonda (9.30 horas) sobre ‘Música e natureza: tecnoloxía e medios de comunicación’, na que participan, Rocío Garriga Inarejos, Juan Antonio Lleó, Jesús Otero-Iglesias e Arturo Vaquero.

Ás 11.30 horas desenvolverase un taller de creación a cargo de Carlos Suárez, e o encontro rematará ás 13.30 horas cunha performance na que actuarán Berio Molina e María Roja.

Todas as actividades do programa están abertas ao público en xeral, e o programa está recoñecido cun crédito de libre configuración para os estudantes universitarios que o soliciten.
 
PROGRAMA

VENRES, 11 DE MAIO
•    9:00 a 9,30 h
Entrega de acreditacións
•    9:30 a 11:00 h
Relatorio e mesa redonda sobre “Música e natureza: ecoloxía” a cargo de José Luis Carles, Cristina Palmese e Juan Gil López e Carlos Suárez, do espazo interactivo escoitar.org.
11:00 a 11:30 h
Inauguración dos 4º Sons Creativos e presentación do DVD Música, espazos e cidade no que se recollen as obras creadas e estreadas nas tres edicións anteriores dos Sons Creativos.
•    12:00 a 13:30 h
Relatorio e mesa redonda sobre  “Música e natureza: historia e creación sonora” a cargo de Inmaculada Cárdenas, Javier Garbayo, Miguel Molina e o alumno e as alumnas de José Luis Carles da Universidade Autónoma de Madrid (UAM), Jesús Barranco, Estrella Sánchez e Laura María García.
•    16:30 a 18:00 h
Relatorio e mesa redonda sobre “Música, natureza: pedagoxía” a cargo de  Adolfo Murillo Ribes, Elena Hidalgo e Mónica Álvarez, profesorado e compositores pertencentes a diferentes estamentos da educación: escola, ensino medio e universidade.
•    18:30 a 20:00 h
Ensaios e preparación do concerto.
•    20:00 h
CONCERTO COLECTIVO con obras José Luis Carles e Cristina Palmese, Miguel Molina, Rocio Garriga, Juan Antonio Lleó, Elena Hidalgo, Antonio Alcázar, Adolfo Murillo Ribes, Juan Gil López, Carlos Suárez e dos membros de GCMUS: Inmaculada Cárdenas, Arturo Vaquero, Mónica Álvarez e Efraím Díaz.

SÁBADO, 12 DE MAIO:
•    9:30 a 11:00 h
Relatorio e mesa redonda sobre “Música e natureza: tecnoloxías e medios de comunicación” a cargo de Rocío Garriga Inarejos,  Juan Antonio Lleó, Jesús Otero-Iglesias e Arturo Vaquero.
•    11:30 a 13:30 h
Taller de creación a cargo de Carlos Suárez de escoitar.org.
•    13:30 h
Presentación dunha performance a cargo de Berio Molina e María Roja e clausura dos 4º Sons Creativos

ACTIVIDADE RECOÑECIDA CUN CRÉDITO DE LIBRE CONFIGURACIÓN
DIPLOMAS: Expedirase o correspondente certificado de asistencia e bo aproveitamento ás persoas inscritas que asistiran polo menos ao 80% das horas.

INFORMACIÓN E MATRÍCULA:
Área de Cultura. Campus de Lugo
Vicerreitoría de Coordinación e Planificación do Campus de Lugo
Praciña da Universidade, s/n
27001 Lugo
Tfno.: 982 821 513
PRAZO: Ata o 7 de maio (de 9:00 a 14:00 h)
Taxa xeral: 20 €
Taxa reducida : 10 €  (comunidade universitaria da USC, estudantes universitarios e de FP, persoas desempregadas e pensionistas)

ORQUESTRA do Espazo de Cámara da USC
Director: Mario Diz

1 de maio ás 20,30 horas
CIRCULO DAS ARTES. Entrada gratuíta

O Espazo de Cámara da USC naceu coa filosofía de darlles, aos mozos e mozas da USC que teñen formación instrumental, a oportunidade de continuar nesta faceta e desenvolver a práctica que xa coñeceron en estudos anteriores, facendo música en grupo.

O Espazo, que comezou en 2011 cun grupo de corda e que ampliou a súa formación con instrumentos de vento, aborda o máis variado repertorio clásico, traballando os aspectos máis básicos da musica de cámara e orquestral, coa emoción de poder expor o seu traballo en público.

En definitiva: música para a música.

1 - 5 MAIO 2012
"OH LVX! Vida e Letras milenarias (Lugo 1012-2012)"

PRAZO DE MATRÍCULA ATA O 23 DE ABRIL
O Curso de Primavera que desde hai oito anos organiza a USC no Campus de Lugo dentro da programación de LUGO CULTURAL, propón este ano unha viaxe a través das pegadas que os seres humanos foron deixando en forma de palabra escrita nos últimos mil anos, baixo o título ‘OH LVX! Vida e Letras Milenarias (Lugo 1012-2012)’.

A organización incorporou ao título do curso unha destacada efeméride: a lauda sepulcral de San Xoán de Tirimol, unha das pezas de maior relevancia das que se conservan no Museo Provincial de Lugo, cumpre o seu primeiro milenio de existencia desde que fora gravada no ano 1012. Sobre esta lauda tratará un dos relatorios das xornadas, nas que participan profesores da USC e doutros centros universitarios e de investigación, que afondarán nos avances acadados en ámbitos como o estudo da linguaxe oral e literaria, a toponimia e o poboamento da área lucense, a arqueoloxía e a paleografía, a edición de textos, a análise das fontes nas investigacións históricas ou a conservación do patrimonio artístico.

Cinco días de programa
O curso comeza o día 1 de maio cunha excursión a Bretoña, Lourenzá e Mondoñedo. O resto de actividades desenvolveranse entre os días 2 e 4 de maio na Facultade de Humanidades (en sesións de mañá e tarde), mentres que última sesión, o sábado 5, terá lugar no Museo Provincial de Lugo, onde tamén se levará a cabo a clausura do encontro.

O Curso de Primavera toma o seu nome dunha actividade desenvolvida nas décadas de 1960 e 1970 polo instituto masculino Lucus Augusti. Na actualidade, o encontro está organizado conxuntamente pola Área de Cultura do Campus de Lugo e a Facultade de Humanidades, e artéllase como un foro de debate e presentación das novidades en investigación sobre o tema elixido cada ano. En edicións anteriores as cuestións que centraron o Curso de Primavera foron, entre outras, o IV centenario da publicación do Quijote, a realidade e as perspectivas das Humanidades, a dinámica das relacións Oriente-Occidente, os dereitos humanos ou os camiños de peregrinaxe.

O prazo de inscrición está aberto ata o 23 de abril, e os interesados poden dirixirse á Área de Cultura da Vicerreitoría de Coordinación e Planificación do Campus de Lugo (teléfono 982 821 513) para recibir información ou formalizar a matrícula. A inscrición no curso ten un custo de tres ou seis euros, segundo se trate da taxa reducida ou xeral, respectivamente.

Esta actividade forma parte da oferta do programa Lugo Cultural para o ano 2012, un proxecto no que participan a USC, a Deputación de Lugo o Concello de Lugo e a Xunta de Galicia.

PROGRAMA:

Martes 1 de maio
15: 30 Excursión. (Visita a Bretoña: inscrición fundacional, Lourenzá, Mondoñedo. (Saída da Praza de Bretaña)

Mércores, 2 de maio
11:00. Palabras inaugurais. Presentación das Actas da VII edición do CURSO

11:45. Ana MOURE CASAS (UCM): “Exeria: Problemas filolóxicos”
12:45. Pausa
13:00. María Concepción FERNÁNDEZ LÓPEZ (USC): “De novo a Lauda de Tirimol”

17:00. Eva M.ª CASTRO CARIDAD (USC): “Tradición milenaria na escritura de muller”
18:00. Pausa
18:15. José María ANGUITA JAÉN (USC): “Tres inscricións lucenses máis que milenarias: Bretoña (ERADL?), Quiroga (AVRVM), Lugo (OH LVX!)”

Xoves, 3 de maio
11:00. Carlos BALIÑAS PÉREZ (USC): “De Furore Normanorum...: Lugo e os Normandos na Alta Idade Media”
12:00. Pausa
12:15. Dolores DOPICO (USC): “Permanencia e cambio dunha institución tradicional: o hospitium romano”

16:00. Ana GOY DIZ (USC): “A revalorización de pezas medievais da catedral de Lugo na época barroca: O caso da Virxe dos Ollos Grandes”
17:00. Pausa
17:15. Isabel BECEIRO (CCHS-CSIC): “Figuras fundadoras e benfeitoras da Antigüidade clásica na tradición alfonsí”
18:15. Pausa
18:30. Sesión cinematográfica e fórum: Luis M. FERNÁNDEZ, Isabel BECEIRO

Venres, 4 de maio
11:00. Alexandre VEIGA (USC): “Recitador, copista, paleógrafo, editor. Sobre os problemas de reconstrución crítica dun texto castelán medieval”
12:00. Pausa
12:15. Ricardo PICHEL (UCM): “Problemas de edición de textos galegos medievais”

17:00. Beatriz FERNÁNDEZ HERRERO (USC): “Milenio (utopía) e misión no Novo Mundo: Os franciscanos que foron a América”
18:00. Pausa
18:15. Ana Isabel CARRASCO MANCHADO (UCM): “Análise das fontes literarias para a historia da cultura política na Idade Media castelá”

19:15. Entrega de diplomas

Sábado, 5 de maio
10:00: Visita en Lugo: Praza de Santa María: Contorno catedralicio: Pía de mosaicos, Lauda de Odoario, Ollos Grandes, Texto caligráfico: DISCIPVLVS @NI

11:30: Sesión no Museo Provincial de Lugo:
José M. ANGUITA JAÉN – Fernando GÓMEZ JÁCOME e membros de SÓLO VOCES: Presentación dun pergameo lucense do século XIII, con reconstrución musical dun fragmento litúrxico inédito

Visita no claustro: Lauda de Fraxildo (1012); outras pezas: Lauda de Guntín. Visita xeral
   
Clausura.


LUGAR DE CELEBRACIÓN:
Salón de actos da Facultade de Humanidades (exceptuadas as visitas e a sesión de sábado e clausura, que serán no Museo Provincial de Lugo)

COMISIÓN COORDINADORA:
María Concepción Fernández López, Profesora Titular de Filoloxía Latina
Mercedes Suárez Fernández, Profesora Titular de Lingua Española
Alexandre Veiga Rodríguez, Catedrático de Lingua Española

RECOÑECIDO CON 1 CRÉDITO DE LIBRE CONFIGURACIÓN

DIPLOMAS: Expedirase o correspondente certificado de asistencia e proveito de 30 horas ás persoas inscritas que asistiran polo menos ao 80% das horas.


INFORMACIÓN E MATRÍCULA:
Área de Cultura. Campus de Lugo
Vicerreitoría de Coordinación e Planificación do campus de Lugo
Praciña da Universidade, s/n
27001 Lugo
Tfno.: 982 821 513

PRAZO: do 11 ao 23 de abril
TAXA XERAL: 6 €
TAXA REDUCIDA: 3 €
VISITA a Bretoña, Lourenzá e Mondoñedo: 3 € (Inscrición nominal con DNI necesaria) VISITA de sábado e sesión no Museo: sen custo adicional (Inscrición necesaria)
NOTAS:
As visitas son abertas a acompañantes e outros interesados, previa inscrición, e abono taxado
A inscrición para as visitas poderá ampliarse hasta 24 horas antes da actividade se quedasen prazas libres, pero agradecemos a previsión máis anticipada posible.

AUDITORIO GUSTAVO FREIRE ás 20:30 h

Entrada gratuíta previo paso polo despacho de entradas.

Apertura do despacho de entradas: desde as 20:00 horas.

PROGRAMACIÓN

Xoves 22 - Máis info

COMPAÑÍA DE TEATRO USC - LUGO

Dirección e dramaturxia: Paloma Lugilde

NA TÚA CARA. IN YER FACE.

Baseada na obra de Sarah Kane

Vernes 23 - Máis info

COMPAÑIA DE TEATRO DA USC – SANTIAGO

Dirección: Roberto Salgueiro

COMEDIA FAMOSA DO CABALEIRO DE OLMEDO

De Francisco Antonio de Monteser

Domingo 25 - Máis info

TESELAS

ALUMNOS E ALUMNAS DE ESCOLAS DE ARTE DRAMÁTICO

Mostra de traballos de arte dramática

"Yo mujer" a partir de Medea de Eurípedes. Bárbara Rivas e Alba Fernández

"Vacío" a partir de 4.48 Psicosis de Sarah Kane. Bárbara Rivas, Alba Fernández e Cris Sanz

"Negra sombra". Juan Fórneas

Luns 26 - Máis info

AULA DE TEATRO UNIVERSITARIA DE OURENSE. GRUPO MARICASTAÑA

Espazo escénico, dramatruxia e dirección: Fernando Dacosta

UN NOVO MUNDO FELIZ

Dramaturxia de Fernando Dacosta a partir da novela Un mundo feliz de Aldous Huxley

Martes 27 - Máis info

THEATRE NIE MA . UNIVERSITY OF SZCZECIN POLONIA

Dirección: Tatiana Malinowska-Tyszkiewicz

THE MOST LAMENTABLE COMEDY AND MOST CRUEL DEATH OF PYRAMUS AND THISBY

Baseada no texto Soño dunha noite de verán de Wiliam Skakespeare 

Salón Rexio do Círculo das Artes, ás 20.30
Entrada libre 

FRANZ LISZT, O PEREGRINO

Ciclo de concertos para celebrar o segundo centenario do nacemento deste gran compositor romántico.

JUAN IGNACIO MARTÍNEZ PARDO, piano.ANTONIO QUEIJA UZ, piano.Années de pèlerinage, Deuxième année, Italie, S. 161: nº 4.Sonetto 47 del Petrarca. Rapsodie hongroise, S.244: nº 6. Années de pèlerinage, Deuxième année, Italie, S. 161: nº 1    Sposalizio. Années de pèlerinage, Première année, Suisse, S. 160: nº 9    Les cloches de Genève.Juan Ignacio Martínez Pardo, piano. Rapsodie espagnole, S.254. Années de pèlerinage, Première année, Suisse, S. 160: nº 6    Vallée d'Obermann. Muiñeira de Juan Montes, op.31 nº 2 de Anselmo González del Valle (-1911) ). Danza española op.12 nº 1 para piano a 4 mans de Moritz Moszkowsky (Polonia, 1854-1925)

Juan Ignacio Martínez Pardo

Antonio Queija Uz

Mércores, 30 de novembro

HARUNA TAKEBE, piano

Les Jeux d’eau à la Villa d’Este (No.4 Anées de Pèlerinage, troisième année) · Ballade No.2 Si menor · La lugubre gondola No. 2 · Liebesträume · Reminescences De Lucia Di Lammermoor · Liebesbotschaft No.10 (Schwanengesang) · Auf dem Wasser zu spielen No.2 (12 Lieder) · Mein Freuden No.5 (Six Chants Polonais) · Isoldens Liebestod

CONCERTO DE CLAUSURA

Luns, 19 de decembro

MARÍA DO CEO, fadista

Por quinto ano consecutivo, Lugo Cultural súmase a dar a benvida aos universitarios que se achegan ao noso campus e estrea a súa programación cunha semana de intensa actividade que achegará á comunidade universitaria e aos lucenses en xeral, actividades relacionadas coa música, o teatro, a danza, a fotografía e a historia da cidade

O convenio Lugo Cultural e as entidades que o conforman, USC, Concello de Lugo, Deputación de Lugo, Xunta de Galicia e Novacaixagalicia, dan a benvida aos universitarios nesta semana que ven sendo a presentación das actividades, que se desenvolven ao longo do ano por Lugo Cultural

Fotografía

• Luns, 24 de outubro
Presentación do catálogo do XVII Maratón Fotográfico do campus e inauguración da exposición dos traballos presentados nesta edición
O catálogo e a exposición recollen, ademais dos traballos premiados, unha selección representativa das fotografías presentadas ao certame
Centro Social Municipal Uxío Novoneyra, ás 12.00 h
A exposición permanecerá aberta ata o día 18 de novembro
Horarios: de luns a venres, de 16.00 a 21.00 h Entrada Libre

Música

• martes, 25 de outubro
Concerto de DOA O retorno dunha banda mítica presentando o seu novo disco A Fronda dos Cervos
Neste novo traballo, DOA explora o simbolismo dos bosques milenarios, demostrando, unha vez máis, a súa mestría e orixinalidade
Escola Universitaria de Formación do Profesorado, ás 20.30 h
Entrada libre ata completar o aforo

• mércores, 26 de outubro
Concerto comentado de música barroca con instrumentos de corda pulsada a cargo de Rafael Muñoz . Guitarra barroca e Tiorba
O interprete realizará comentarios acerca dos instrumentos empregados e o repertorio interpretado, situándoos no seu contexto histórico e explicando a súa proxección actual
Casa do Saber. Vicerreitoría de Coordinación, ás 20.30 h
Entrada libre ata completar o aforo

• xoves, 27 de outubro
Concerto de JOTINHO´S . Bossanova e Samba
JOTINHO’S é un proxecto que nace da man de varios músicos de Lugo coa intención de explorar as vertentes máis clásicas da bossa nova
O seu repertorio ten un denominador común, os concertos que Vinícius de Moraes e Toquinho ofreceron en Bos Aires e Punta del Este nos locais coñecidos coma “La Fusa” Ademáis interpretan outros clásicos da bossa nova así coma sambas de sobra coñecidas
Auditorio da Facultade de Veterinaria, ás 20.30 h
Entrada libre ata completar aforo
Autobús: Dende Maxisterio ata a Facultade de Veterinaria con saída ás 20.00 h
Dende a Facultade de Veterinaria ata Maxisterio ao finalizar o concerto

Danza

Intervención nos centros universitarios do campus
Espazo de Danza da USC. Cía. Amparo Novas. Danza interactiva
Mediante a danza  explórase diferentes espazos da universidade tentando cambiar a rutina diaria e entrar nun mundo no que todo é posible,  mediante a intuición e a improvisación créase  espazos diferentes ó que estamos acostumados, onde a sensibilidade toma protagonismo e a danza consigue traspasar fronteiras
Intérprete: Amparo Novas - Música: Varios autores

• luns 24 de outubro
Escola Universitaria de Formación de Profesorado, Vestíbulo ás 11.45 h
Facultade de Veterinaria, Vidreira ás 14.30 h
Facultade de Adm. e Dirección de Empresas, Aulario ás 17.30 h
• martes 25 de outubro
Facultade de Humanidades, Aulario ás 12.00 h
Escola Politécnica Superior, Cafetería ás 14.30 h
Residencia Universitaria Jesús Bal y Gay, Vestíbulo ás 20.30 h

Teatro

Aula de Teatro da USC. Campus de Lugo
Clase aberta de teatro a cargo de Paloma Lugilde
Para que coñezas máis de cerca o que poderías chegar a facer dentro da aula, os diferentes talleres que ofrecemos ao longo do ano así como a dinámica das diferentes compañías propias da Universidade Non esquezas vir con roupa cómoda

• mércores, 26 de outubro
Aula de Teatro Aulario Facultade de Veterinaria de 13.00 a 15.00 h
• xoves, 27 de outubro
Aula de Teatro Aulario Facultade de Veterinaria de 14.00 a 16.00 h

Exposición A fotografía e a escena
Esta exposición recolle instantes captados pola cámara na que os actores, escenógrafos, xastres, iluminadores, adaptadores, maquilladores, dramaturgos e directores, que nalgún momento formaron parte deste aula, quedaron atrapados. E nós con eles, no seu imaxinario tan potente. Facultade de Veterinaria, Sala Isaac Díaz Pardo de 9.00 a 21.00 h en días laborables Do 27 de outubro ata o 30 de novembro

Historia e patrimonio

• xoves, 27 de outubro
Xornada de portas abertas, Casa do Saber: A Domus do Mitreo
Con Celso Rodríguez Cao, arqueólogo director das escavacións do xacemento arqueolóxico, que nos levará a comprender e a coñecer a historia da cidade de Lugo a partir de Mitra
Casa do Saber na Vicerreitoría de Coordinación e Planificación do Campus de Lugo. Visitas guiadas dunha hora de duración
Pola mañán ás 12.00 e ás 13.00 h e pola tarde ás 18.00 e ás 19.00 h
Cada visita está limitada a un máximo de 25 persoas
Recoméndase, por tanto, facer reserva de hora nos teléfonos:
982 821 513 / 982 821 500

21 XUÑO

É unha mágoa pero por mor da ameaza de tormenta vémonos na obriga de ter que trasladar o concerto de Marful ao Auditorio Gustavo Freire. Sairá un autobus ás 20:30 do Instituto Lucus Augusti (Masculino) e recollerá á xente ao finalizar o concerto ás 22:00-22:15 h. Achegádevos non o podedes perder !.

 "Música e Cidade"

adicado a Llorenç Barber

venres 20 de maio

9:30 h
Entrega de acreditacións e inauguración.

10:00 a 14:30 h
Relatorio e mesa redonda sobre Paisaxe sonora. A cargo de José Luis Carles e Cristina Palmese.UAM. Coordina Juan Gil López.

16:00 h
Relatorio e mesa redonda sobre Música, cidade e pedagoxía. A cargo de Pilar Cabeza e Elena Hidalgo. UVA. Coordina Inmaculada Cárdenas.

18:00 h
Relatorio e mesa redonda sobre Esculturas sonoras. A cargo de Antonio Alcázar. UCLM. Coordina Pilar Cabeza.

20:30 h
Concerto colectivo Música e Cidade.
Obras de: José Luis Carles e Cristina Palmese, Efraím Díaz, Pilar Cabeza, Elena Hidalgo, Antonio Alcázar, alumnos de Miguel Molina, e obras do Grupo de Creación Musical da USC (Inmaculada Cárdenas, Arturo Vaquero
e Mónica Álvarez).

sábado 21 de maio

10:00 h
Presentación do traballo colectivo realizado pola profesora Mónica Álvarez cos seus alumnos do CEIP
San Mamede (Mosteiro de Santa María de
Montederramo) e música por ordenador con alumnos de ensino medio de Charo Herrero (Valladolid).

12:00 h
Relatorio e mesa redonda sobre Arte
sonoro y ciudad. A cargo de alumnos de Miguel Molina. Universitat Politécnica de València. Coordina José Luis Carles.

14:00 h
Clausura dos 3º Sons Creativos.

Información:
Inscricións na Oficina de Cultura (Lugo)
Vicerreitoría de Extensión Universitaria, Cultura
e Sociedade
Tel.: 982 821 513
Do 5 até o 18 de maio de 9:00 a 14:00 h
Taxa xeral: 20 euros.
Taxa reducida (comunidade universitaria): 10 euros
Recoñecido un crédito de libre configuración