Un novo concepto de formación en Galicia, estritamente acústico e baseado na música tradicional.
Neste proxecto únense tres músicos independentes dentro da escena musical galega, o violín de Quim Farinha, o acordeón diatónico de Pedro Pascual e o contrabaixo de Kin García. Xuntos propoñen unha viaxe a través das músicas populares de Galicia e doutras latitudes. O repertorio complétase con composicións propias. Todo isto aliñado con distintos enfoques estéticos que van desde a linguaxe do jazz pasando polo tango ata a tradición musical europea.
Provintes de bandas como Berrogüetto, Marful, ou Susana Seivane Grupo, contemporaneidade e tradición xuntas nun concerto diferente, sen deixar de mover os pés nin deixar indiferentes aos sentidos.
