SONS CREATIVOS é unha plataforma de intercambio cultural para a difusión e creación sonora que, en convocatoria anual, supón unha aposta polas últimas propostas do ámbito da música contemporánea, a creación electroacústica e da arte sonora e que chegará neste ano 2014 á súa sexta edición.

Organízase polo Grupo de Creación Sonora da Universidade de Santiago de Compostela, GCSUS e, nesta edición, baixo a dirección de Inmaculada Cárdenas, Arturo Vaquero e Xoán Xil López.

Clausuraremos os 6º Sons Creativos cun concerto ao aire libre. Unha improvisación libre co título xenérico de Concerto de improvisación libre: quiosco aberto mundo urbano/mundo natural, que terá lugar no quiosco da Praza Maior de Lugo coa participación dos membros do Grupo de Creación Sonora da USC (GCSUS) e aberta á participación daqueles músicos que traballen as prácticas improvisatorias, as músicas improvisadas e a experimentación, utilizando a tecnoloxía como base das súas creacións. O criterio de admisión de solicitudes será a orde de inscrición ata completar as posibilidades de espazo.

Para poder participar neste concerto é necesario inscribirse previamente antes do 30 de maio conforme ás BASES da CONVOCATORIA

Deseño e desarrollo web TATATA